Ne në "Faber" jemi kujdestarë të një trashëgimie të shkëlqyer që na mbush me krenari. Kjo traditë është fryt i shpirtit pionier që lindi në vitin 1955 dhe që shpiku aspiratorin e parë të kuzhinës në vitin 1958.
Që prej asaj kohe, ofrojmë aspiratorë dhe sisteme për trajtimin e ajrit, të cilët përmbushin kërkesat e klientëve dhe respektojnë mjedisin.
Që prej vitit 2005, jemi specialistë të ajrit të grupit "Franke", i cili, për 100 vjet, ka qenë sinonim i cilësisë së lartë, fjalës së fundit të inxhinierisë dhe projektimit të shkëlqyer.

Sekreti i madh i këtij grupi qëndron te fakti se ai krijon gjëra të reja duke u mbështetur te tradita. Gjatë këtyre viteve jemi rritur shumë. Bashkëpunimi ynë ka qenë mjaft frytdhënës.
Jemi të vetëdijshëm që bota po ndryshon. Ne vazhdojmë të dalim me shpikje të reja me qëllim që ajri i së nesërmes të jetë edhe më i pastër sesa ai i sotmi. Krenohemi me faktin që jemi pjesë e grupit "Franke" si specialistë të ajrit.

Misioni ynë është të mbështesim një stil më të shëndetshëm të jetesës në ambientet e shtëpisë, me anë të shpikjeve ekologjike dhe veprimeve të përgjegjshme të jetës së përditshme. Por këtë nuk mund ta realizojmë të vetëm. Meqë kemi të njëjtin vizion dhe respekt për mjedisin, mund të arrijmë të ushtrojmë ndikim pozitiv afatgjate më të fuqishëm. Ja një pasqyrë e gjërave që kemi arritur deri tani: 76% e energjisë elektrike që u konsumua në vitin 2022 u prodhua nga burime të rinovueshme. 87% e mbetjeve të krijuara në vitin 2022 u ripërdorën ose ricikluan. 78% e ambalazheve të produkteve të grupit "Franke" prodhohen me lëndë të rinovueshme.